चौबन्दिको तुनामा भुलेको छ गाँउले
टपरी र दुनामा भुलेको छ गाँउले!!
गाई बस्तु गोठालो गर्दै बन पाखामा
गाँउ गल्ली कुनामा भुलेको छ गाँउले!!
बसन्तमा पालुवा फेर्दै गर्दा हरिया
पलाएका मुनामा भुलेको छ गाँउले!!
भिर पाखा पखेरा मुटु भित्र राखेर
मोहोनी त्यो टुनामा भुलेको छ गाँउले!!
अझै याद ताजै छ सेतो माटो कमेरो
संम्झिएर चुनामा भुलेको छ गाँउले!!
जीतु खड्का गाउले
मोरङ उर्लाबारी
Click Here to Build Your Own Comment Box | Facebook Comments Plugin Enhanced by Tech-Ashish
0 सुझाबहरु:
Post a Comment