छैन जबाफ

मेरो छाप्रो चुइदै छ रे प्यारी भन्छे कहिले छाउने हो ?
कती बस्छौ प्रदेस मा'नै प्यारी भन्छे कहिले आउने हो ?

दौरा फाट्छ हरेक साल,नयाँ किन्ने सपना अधुरो भो
मैले पनि फरिया नयाँ प्यारी भन्छे कहिले लाउने हो ?

खस्यो नानी पोहोर साल,कहाँ पोखु बेदना छछल्किन्छ
बंश धान्ने चाइयो अरे प्यारी भन्छे कहिले पाउने हो ?

आयो दसैं तिहार पनि बाटो हेरी टोलाई बस्छु भन्थी
हामी पनि देउसी भैलो प्यारी भन्छे कहिले गाँउने हो ?
    
     जीतु खड्का
    मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish