गजल ४७

कती बाँच्नु अझै मैले बिरानो यो देशैमा  
कती नाच्नु अझै मैले प्रदेशीको भेषैमा !!

सँघर्षको मैदानमा टेकेर त्यो बैसाखी 
नसके नि दौडेकै छु जिन्दगीको रेसैमा!!

दु:ख भन्दा जिन्दगीले के दियो र मलाई ?
जिन्दगीको हिसाब गर्दा सुन्य भेटे शेषैमा!!


खाली छ रे आज मेरी मायालुको चुल्ठी त्यो 
गुराँस को फूल टिपी सिउरी दिन्थे केशैमा!!

साथ हुँदा आधा पेट बाँडी खान्थ्यौ मिलेर 
दु:ख सुख जिएकै थ्यौ खुशी थियौ त्यसैमा!! 

जीतु खड्का गाउले 
मोरङ उर्लाबारी 

Click Here to Build Your Own Comment Box | Facebook Comments Plugin Enhanced by Tech-Ashish