गजल

झर्छ आँशु  अतितका बातहरु सम्झिएर 
बिदाइमा हल्लिएका हातहरु सम्झिएर !!

छट्पटिमै कोल्टे फिर्दै भाले बास्छ बिहानीको 
अलाङिनमा बिताएका रातहरु सम्झिएर !!

एकै चिम्टी सिन्दुरले अडिएको नाता देख्दा 
मुस्कुराउछु ई नारिका जातहरु देखेर !!

टुहुरो  म किन भैन भगवान सँग प्रश्न गर्छु 
आफन्तले दिएका ति घातहरु सम्झिएर !!

बर्षौ देखी मुग्लानी भै बाँचेको छ गाउले याँ
गरिवीले दिएका ति खातहरु सम्झिएर !!

जितु खड्का गाउले 
मोरङ उर्लाबारी 
हाल साउदी अरब 

Click Here to Build Your Own Comment Box | Facebook Comments Plugin Enhanced by Tech-Ashish