गजल ९७

धिपी धिपी जलीरहें ज्योती छर्न सकिएन
बिधाताको सिर्जनामा कला भर्न सकिएन |१|

दु:ख संग लड्दा लड्दै पछारिए गरीबीमा
गरीबीको कुम्लो फ्याँकी बसाँई सर्न सकिएन |२|

जेलिएछ खुशी सबै   आँशु रुपी भुमरीमा
आफ्नै सामु डुब्यो खुशी उद्दार गर्न सकिएन |३|

बेदनाको छाल हरु उर्ली आए मुटु भित्र
किनरामै फंसेको'छु पारी तर्न सकिएन |४|

क्षितिजको लाली टिप्ने चाह बोकी हिडि रहें
जित मेरो लक्ष्य थियो पीडा हर्न सकिएन |५|

जीतु खड्का ( गाँउले )मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish