गजल

जिन्दगीको नौलो यात्रा थाले हुन्छ नारीले
कुरितीको डोको नाम्लो फाले हुन्छ नारीले |१|

नर नारी  बराबरी  हक मात्र  तेत्तिस
संबिधानका यस्ता धारा बाले हुन्छ नारीले |२|

कती  बस्छौ दासी बनी चुल्हो चौका गरेर
आंत्माबलको एक ईटा हाले हुन्छ नारीले |३|

अमृत रोप्छौ बिष फल्छ कती बस्छौ गोडेर
भेदभाब फल्ने बृक्ष ढाले हुन्छ नारीले |४|

कती बस्छौ घुम्टो ओडी अत्याचार सहेर
कमजोर फाटेको मन टाले हुन्छ नारीले |५|

जीतु खड्का (गाँउले )
मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish