'घायलको तरही मुसायरा-२' बाट

संबिधानको धारा लेख्ने मसी हेर कस्तो हुन्छ
अत्याचारको भुमरीमा फंसी हेर कस्तो हुन्छ |१|

निल गगन भित्र बसी कुरा गर्छौ गरीबिको
सिक्सिकाउने झुपडीमा पसी हेर कस्तो हुन्छ |२|

पिल्सेकै छन सबै यहाँ अभाबको भुङ्रो माथि
समानताको छिन्या डोरी कसी हेर कस्तो हुन्छ |३|

कर्णधार ति युबा हरु देश छाडी अन्तै लागे
बेरोजगार खाल्डो भित्र खसी हेर कस्तो हुन्छ |४|

बिकास गर्छु भन्ने लागे आफ्नै भुडी भर्न लाई
देशको माटो निधारमा घसी हेर कस्तो हुन्छ |५|

वाध्यतामा थियौ हामी लुट्नु सम्म लुट्यौ किन ?
आफ्ना हातका दसै नंग्रा धसी हेर कस्तो हुन्छ |६|

युग फेरियो सबै तिर अझै पानी बार्दै गर्छौ ?
छुवाछुतको रेखा भित्र बसी हेर कस्तो हुन्छ |७|
 जीतु खड्का (गाँउले )
मोरङ उर्लाबारी
हाल-अल साफि कंम्पनी
साउदी अरब

Click Here to Build Your Own Comment Box | Facebook Comments Plugin Enhanced by Tech-Ashish