गजल

सेतो सारी निलो चुरा,त्यो सिउदो खाली थियो
नियतिले चुड्यो फुल,बगैचाको माली थियो |१|

हात   बाँधी हेरी   रहे, समाजका   ठुला बडा
रातो चुरा फोरी दिने ,त्यो समाज जाली थियो |२|

अलक्षिनी राणी बोक्सी ,कस्तो कस्तो नाम दिए
समाजले हेला गरी ,ओकलेको गाली थियो |३|

कती बस्यौ अंध्यारोमा ,मोती सरी आँशु पोखी
इच्छा हरु दहन गरी,आँशु बग्ने नाली थियो |४|

मक्किएको सोंच फालौ ,जरै बाट उखालेर
कुइएको जरा माथि ,बोटै थाम्ने डाली थियो |५|

जीतु खड्का (गाँउले )
मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish