गजल १५२

मिर्मिरेको घाम बनी उदाउन सक्नु पर्छ 
रिसाएको मान्छे लाई मनाउन सक्नु पर्छ |१| 

नयाँ नेपाल बन्दैन हौ कुरा मात्र कथुरेर 
पौरखी ति पाखुरी लाई बजाउन सक्नु पर्छ|२| 

खाको गाँस ओकलेर हुर्काएका लालाबाला 
मन्द मन्द मुस्कुराउदा अघाउन सक्नु पर्छ|३| 

मागी मिठो खाई हुन्न चोरी राम्रो लाई हुन्न
संस्कारको पाटो आफ्नो जोगाउन सक्नु पर्छ|४|

गरीबको झुपडीमा जन्म लिनु परे पछी
मन्का इच्छा मनै भित्र दबाउन सक्नु पर्छ|५|

जीतु खड्का गाउले
मोरंग उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish