मेरो भित्तो कमेरोले टाल्दा तिमी हाँस्यौ
दु:खी भारी ढाकरमा हाल्दा तिमी हाँस्यौ ||
उतिसका हाँगा बिंगा भेला पारी मैले
मकै भुटी खान आगो बाल्दा तिमी हाँस्यौ ||
आगो फुकी ओदानमा पानी तातो पार्दै
भोको पेट भर्न सिस्नो गाल्दा तिमी हाँस्यौ ||
पेट भर्न सक्या छैन कहाँ पाँउ जुत्ता?
बगरमा खाली खुट्टा चाल्दा तिमी हाँस्यौ ||
पलपल यहाँ मरेको छु गरीबीले म त
बाध्यतामा ठाडो शिर ढाल्दा तिमी हाँस्यौ ||
सक्दिन म रोको देख्न लाला बाला मेरा
खाको गाँस ओकलेर पाल्दा तिमी हाँस्यौ ||
जीतु खड्का गाँउले
मोरङ उर्लाबारी
Click Here to Build Your Own Comment Box | Facebook Comments Plugin Enhanced by Tech-Ashish
0 सुझाबहरु:
Post a Comment