गजल

गरीबीको भुमरीमा चेपिएको मान्छे म त

छुवाछुद समाजमा हेपिएको मान्छे म त |१|

छैन मुल्य पसिनाको बेचेकै छु श्रम अझै

करारमा मुल्य तोकी बेचिएको मान्छे म त |२|

झुल्किएन घाम अझै काम्दै बसें सिरेटोमा

बाध्यताको ओस भित्र सेपिएको मान्छे म त |३|

छैन  मेरो पहिचान अस्तित्व छ धरापमा

सुन माथि फलामले लेपिएको मान्छे म त |४|

नफुल्ने भो खुशी मेरो कोपिला मै निमोठीए

खुशीका ति मुना हरु टेकिएको मान्छे म त |५|

जीतु खड्का गाँउले

मोरङ उर्लाबारी

हाल साउदी अरब

Click Here to Build Your Own Comment Box | Facebook Comments Plugin Enhanced by Tech-Ashish