गजल १२२

गाँउ घर सम्झे मन रुन्छ परदेशीको
दसैं पनी दशा जस्तै हुन्छ परदेशीको|१|

मालश्रीको धुन बज्दा आँखा रसाएर
आँखा बाट अश्रुधारा चुन्छ परदेशीको|२|

आँशुको त आहालै छ दह पसिनाको
मनको मैलो पसिनाले धुन्छ परदेशीको|३|


उजेलीको साथी  काम दिनै भरी उस्को
अंधेरीमा मात्र साथी जुन छ परदेशीको|४|

बेदनाका पोका हरु आफ्ना आफ्नै यहाँ
बिरहको कथा कस्ले सुन्छ परदेशीको|५|

जीतु खड्का गाँउले
मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish