गजल

निउज इन नेपाली वेबसाइट ले गराएको गजल प्रतियोगितामा तेस्रो स्थान प्राप्त मेरो यो गजल 

वीरताको चिनो मेरो खुकुरी छ निसानीमा 
बिजयको शंख ध्वनी गुञ्जीने छ बिहानीमा |१| 

स्वाभिमानी नेपाली हुँ झुटो कहिले बोल्दिन म 
जुधाएर हेर आँखा सत्य देख्छौ यो नानीमा|२|

पछुतोमा परेको छु म पनि त यती बेला
गरें होला गल्ती मैले नबुझेर नादानीमा|३| 

निदरीमा थियौ तिमी शान्ती बोकी आएको थे 
उठ्यौ भने हेर त्यहाँ संन्देश छ सिरानीमा|४|

गाँउ सम्झी रुन्छ गाँउले हिजो आज मुग्लानमा
लालाबाला छोडी आँए कल्कलाउदो जवानीमा|५| 

जीतु खड्का गाँउले 
मोरङ उर्लाबारी 
हाल साउदी अरब

Click Here to Build Your Own Comment Box | Facebook Comments Plugin Enhanced by Tech-Ashish