गजल (सवाल जवाफ )

गजल (सवाल )

गीता मगर बैनिको गजल लाई जवाफ फर्काउने दुस्प्रयास

तिम्रो मनको बगैंचामा फुल्न पाए हुन्थ्यो
तिम्रो मिठो बातहरुमा भुल्न पाए हुन्थ्यो||

जीवन भरि तिम्रै न्यानो स्पर्शमा बसी
तिम्रो मन मुटु भरि डुल्न पाए हुन्थ्यो ||

संसार कति रमाइलो छ जिउन जाने देखि
अन्धकारमा जुन बनी खुल्न पाए हुन्थ्यो ||

जति टाढा हुदै गयो उति याद आउछ किन ?
सपनीमा भए पनि ,संगै झुल्न पाए हुन्थ्यो ||  



----गीता मगर

गजल (जवाफ )

गोडी दिन्छु बगैचा यो फूल्ने भए तिमी
मिठा मिठा बात गर्छु भुल्ने भए तिमी ||

मुटु माझ टेक तिमी फूल सम्झिएर 
सारा चोट पंन्छाई दिन्छु डुल्ने भए तिमी || 

किन गर्छौ अध्यारोको पीडा तिमी अब 
जून टिपी ज्योति छर्छु खुल्ने भए तिमी|

सपनिमा झुल्ने भए आँखा चिम्ले हुन्छ 
निदरीको बाटो आउछु झुल्ने भए तिमी ||

जीतु खड्का गाउले

Click Here to Build Your Own Comment Box | Facebook Comments Plugin Enhanced by Tech-Ashish