गजल ५५

बिहानिको मिर्मिरेले  प्रभात बोकी ल्यायो 

चिर्दै रात उजेलिको सौगात बोकी ल्यायो!१! 

अभाबमा हुर्किएको निधार उस्तो हो कि 

यो दौराले गरीबीको औकात बोकी ल्यायो!२! 

रम्दै थिए एक्लै यहाँ अतित बिर्सिएर  

समयले फेरी अर्को आघात बोकी ल्यायो!३! 

एकतामा जातित्वको जहर घोल्दै फेरी 

हत्या हिंम्सा मच्चाउने जमात बोकी ल्यायो!४! 

मैले छिर्दा मन्दिरको त्यो ढोका लायौ किन?

भनेन खै भगवानले कुजात बोकी ल्यायो !५! 

जीतु खड्का गाउले 

मोरङ उर्लाबारी 

Click Here to Build Your Own Comment Box | Facebook Comments Plugin Enhanced by Tech-Ashish