गजल(गैर रदिफ )

भाग्य लेख्न भुलिस् दैब निधार बनाएर 
अर्को भुल गरिस् तैले मलाई जन्माएर!१!

तेरै सामु अबोध ति बाल बालिका मर्दा 
सक्दैन थिस् बचाउन चमत्कार देखाएर!२!

मेरो चित्कार नसुन्नेले के सुन्थ्यो यो पुकार 
नबस भो पूजारी बा घण्टा बजाएर !३!

आँखा चिम्ली विश्वाश गरे आस्था राखी तँ मा 
कतिन्जेल सुत्छस् अझै सिरान लगाएर!४!

यस्तै रहे तेरो लीला मन्जुर छैन मलाई 
तागत भए लैजा माथी अहिले उठाएर!५!

जितु खड्का गाउले 
मोरंग उर्लाबारी 
हाल-साउदी अरब

Click Here to Build Your Own Comment Box | Facebook Comments Plugin Enhanced by Tech-Ashish