छरपस्ट भयो दु:ख समेट्न नै नसकिने
बडेमान हुँदै गयो अंचेट्न नै नसकिने |१|
बिना निम्तो पिढी टेकी ढक्ढकाउदै मुलढोका
फर्की फर्की आउदो रैछ लखेट्न नै नसकिने|२|
हलुङेको पाप्रो हो कि जाँच्न पाए हुन्थ्यो भाग्य
तेजाबी त्यो सुन जस्तो रगेट्न नै नसकिने|३|
छुन खोज्दा झर्छ खुशी कर्कलाको पानी जस्तै
सम्हालेर अंगालोमा लपेट्न नै नसकिने|४|
सँधै पछी परेको छु जिन्दगीको गोरेटोमा
गतिसिल छ समय त्यो भेट्न नै नसकिने |५|
जीतु खड्का गाउले
मोरङ उर्लाबारी
Click Here to Build Your Own Comment Box | Facebook Comments Plugin Enhanced by Tech-Ashish
0 सुझाबहरु:
Post a Comment