कथा ब्यथा उस्ता उस्तै कथन भिन्ना भिन्नै
वेदनाको भारी उस्तै वजन भिन्ना भिन्नै !
चोट दिदै निस्ठुरिले मल्हम दल्छ फेरी
दुख्ने मुटु उस्ता उस्तै वतन भिन्ना भिन्नै !
हिजो भन्दा आज बढ्ने सुसार गरे सुख
सम्हालेर राख्ने उस्तै जतन भिन्ना भिन्नै !!
________________
यो पाली त मन्त्री हुने पालो मेरै हो
मनोनित रास्टपती सालो मेरै हो ||
तर्सिन्छु म माया गर्दै गाला मुसार्दा
कुनै बेला झापु खाको गालो मेरै हो ||
____________________________
मलाई तिम्रो शहरले मास्दै छ
भलाई तितो जहरले मास्दै छ
दिनहु नयाँ छन्दको छ बिकास
गजल लाई बहरले मास्दै छ||
_____________________
मेरो आफ्नो पहिचान गुमेको छ यहाँ
नेपालीको संबिधान गुमेको छ यहाँ ||
श्रम सक्ति घट्दै गयो प्रदेसीदा युबा
शिक्षित र पलवान गुमेको छ यहा ||
_____________________
च्यातिएर धुजा धुजा भएको छ जिन्दगी यो
खुम्चिएर मुजा मुजा भएको छ जिन्दगी यो |
कहाँ सुरु कहाँ अन्त्य थाहा छैन मेलो मेसो
गुजुल्टेर गुजा गुजा भएको छ जिन्दगी यो |
जिन्दगीको यात्रा थियो समानन्तर रेखा जस्तो
जोडीएर भुजा भुजा भएको छ जिन्दगी यो !!
जोडीएर भुजा भुजा भएको छ जिन्दगी यो !!
_________________________________________
पिलो र गाँठो उस्तै हुँदै होइन
लोग्ने र नाँठो उस्तै हुँदै होइन |
सुन्दै छु गाली नाना भाती म पनि
झ्याक्ने र जाँठो उस्तै हुँदै होइन ||
___________________________
अल्लारे त्यो जवानी मै नसल सुक्दै छ रे
अंध्यारोमा बैश बेच्ने पसल सुक्दै छ रे ||
तन्देरीका हुल हुन्थे यौवन फूल्दा तिम्रो
लह लह झुलेको त्यो फसल सुक्दै छ रे||
____________________________________________
फेरी अर्को घोचो बोकेर आए कोही
अग्लो सँग होचो बोकेर आए कोही |
उस्तै राम्रो हुन्न पुरानो नयाँ जस्तै
सग्लो सँग पोचो बोकेर आए कोही|
अचम्मै छ गाँठे तरुनी देख्दा यहाँ
मिलाउन चोचो बोकेर आए कोही||
अचम्मै छ गाँठे तरुनी देख्दा यहाँ
मिलाउन चोचो बोकेर आए कोही||
________________________________________
सत्र मुजा परेकी त्यो चाउरीले बोलाउछे
सुके नाश लागेकी त्यो दाउरिले बोलाउछे|
अह म त जादै जान्न भन्दा पनि कर गर्दै
तीन बेत हानेकी त्यो झ्याउरीले बोलाउछे|
यथार्थ लाई बिर्सिएर आदर्शको कुरा छाट्दै
आँफैलाई महान ठान्ने फ्याउरीले बोलाउछे||
आँफैलाई महान ठान्ने फ्याउरीले बोलाउछे||
_____________________________________________
आफ्नो घर आँगनीमा लुते कुकुर बाघ हुन्छ
भदौ लाग्दै आँखा फुटे पराल पनि साग हुन्छ|
मैले हिंन्दा बाटै गनायो उस्ले पाद्दा वास्ना भयो
बुझी राख तिमीले नि गु को लिडमा राग हुन्छ||
____________________________________
मोरिको कम्मर छिनेको सार्है मन पर्यो
ठिनिक ठिनिक हिनेको सार्है मन पर्यो|
सुन ए नक्कली नकिन सारी अनी चोली
बुथुरे जामा पो किनेको सार्है मन पर्यो|
बनायो रुपया पैसाले अन्धो तिमी लाई
पलेटी कसेर गिनेको सार्है मन पर्यो||
पलेटी कसेर गिनेको सार्है मन पर्यो||
_____________________________
के के भयो भन्दिन म हिजो राती अंधेरीमा
बुझ्ने भए आए हुन्छ मुखियाको कचेरीमा|
अस्तित्वमा लायौ दाग दोषी कहाँ देख्यौ मलाई
लुटिए म आज आफ्नै आँगनी र मझेरीमा||
बुझ्ने भए आए हुन्छ मुखियाको कचेरीमा|
अस्तित्वमा लायौ दाग दोषी कहाँ देख्यौ मलाई
लुटिए म आज आफ्नै आँगनी र मझेरीमा||
_____________________________
जीतु खड्का गाउले
मोरङ उर्लाबारी
हाल साउदी अरब
Click Here to Build Your Own Comment Box | Facebook Comments Plugin Enhanced by Tech-Ashish
0 सुझाबहरु:
Post a Comment