गजल

मभन्दा कन्चुस देख्यौ कि कतै ?
म जस्तै फन्टुस देख्यौ कि कतै ?

दार्ही बा भन्छन ए गोक्ते काजी 
बेगारी धुर्मुस देख्यौ कि कतै ?

अर्काको गजल चोरेर बाँच्ने 
परजीवी उडुस देख्यौ कि कतै ?

हेरेर मुहार फैसला गर्ने 
दुईजीव्रे मनुस देख्यौ कि कतै||

जीतुले गजल कोरेर सोध्छ 
गाउँले तख्लुस देख्यौ कि कतै?

जीतु खड्का गाउँले
मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish