गजल

नुन खोज्दै प्रदेशीएं सुन छैन म सँग त 

अंध्यारोमै हुर्केको हुँ जुन छैन म सँग त !!

सँगै मर्ने सँगै बाँच्ने बाचा कसम बिर्सिएर 

छोडी जाने बैगुणी हुँ गुण छैन म सँग त !!

पोख्दिन'भो मेरा ब्यथा गजल बन्छ बनाए त 

चखेवाको कथा मात्र धुन छैन म सँग त !!

मुटु काम्ने जाडो संगै लुकामारी खेल्दै छु म 

रात संगै चिसिदै छु ऊन छैन म सँग त !!

न्यार न्यार रुन्छ शिशु कस्ले छोड्यो दोबाटोमा 

आँटो पिठो खाँदैन त्यो थुन छैन म सँग त !!

अभाबमा पिल्सेको छु नजलाउ तिमी पनि 

लाली क्रिम माग्छौ तिमी लसुन छैन म सँग त !!

©जीतु खड्का 2012 सर्बाधिकार सुरक्षित

 जीतु खड्का (गाउले )

मोरङ उर्लाबारी 

हाल -बालुवाटार 

साउदी अरब 

Click Here to Build Your Own Comment Box | Facebook Comments Plugin Enhanced by Tech-Ashish