गजल

कल्पनाका लहरीमा झुल्छु भन्दा भन्दै
कोपिलामै झरेछु म फूल्छु भन्दा भन्दै||

कोट्याएर गयौ किन अतितका ब्यथा
आलो भयो घाऊ फेरी भुल्छु भन्दा भन्दै||

भावनामै समेटिए शब्द हरु मेरा
गजलका शेर सँगै खुल्छु भन्दा भन्दै||

समयले नेटो काट्यो ढल्क्यो जुनी आधा
प्रित फूल्ने बगैचामा डुल्छु भन्दा भन्दै||

मझेरिमा थियौ तिमी बोलउँदै थिए
दिलको ढोका बन्द भयो हुल्छु भन्दा भन्दै||

जीतु खड्का गाउले
मोरङ उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish