गजल

आफ्नै खुशी अङालोमा नबेरेको धेरै भयो 
एैना हेर्दा लाज लाग्छ नहेरेको धेरै भयो !!

उपमा के दिनुहुन्छ बाध्यता कि गरिबीको ?
च्यातिएको दौरा मैले नफेरेको धेरै भयो !!


बाँच्ने आशा अभिलाषा मारी सक्यो महंगीले 
मृत्यु माग्दा सरकारले नटेरेको धेरै भयो !!

भागें होला साहायद म कर्तव्यको बाटोबाट 
बाध्यताले मेरो घाँटी नसेरेको धेरै भयो !!

समयको परिवेसमा गाउँलेको जिन्दगानी 
चल्न छोड्दा नचाहेरै हतेरेको धेरै भयो !!

जीतु खड्का गाउँले
मोरंग उर्लाबारी

Click Here to Build Your Own Comment Box | Facebook Comments Plugin Enhanced by Tech-Ashish